Timmisartortartoq mamakujunnik tunioraasartoq nuannarineqarluarpoq
Nunavimmi Kuujjuaq-mi timmisartortaq Jonnhy May ukiut tamaasa timmisartumit mamakujuttunik meeqqanut nakkaatitsisartoq nuannarineqarluartarpoq.
Allattoq Bikki P. Kleist
januaarip 01-at 2010 16:59
Timmisartartoq sukkuaqqanik sukkulaanillu nunaqarfimmut nakkaatitsisarluni ileqquulersimavoq nuannarineqarluartoq. Maannalu ileqquliussimasaq nuannarineqangaarmat Jonnhy May nunaqarfiup pisiniarfiinit atisanik, pinnguanik, aningaasanik allanillu tuniorarneqartalersimavoq, taakkulu
nunaqarfimmiunit nuannisaarutigineqarluartarput.
Timmisartartoq ukiormanna nassataqarluaqigami pingasoriarluni nunaqarfimmut utertariaqarsimavoq.
