Timmisartorsuaq 250-inik ilaasulik Kangerlussuarmut mittariaqartoq
WestJetsip oqaaseqartartua Robert Palmer ullumi Global Newsimut oqarpoq isumannaallisaanikkut mittariaqarneq ajornartorsiuteqanngitsumik pisimasoq.
Ilaasut Kangerlassuarmi akunnittarfiliaanneqarsimasut ullaassaq timmisartunik mikinerusunik Boing 737-inik marlunnik aaneqarsimapput Torontomullu apuunneqarsimallutik.
Nutartigaq: Ajortoorfimmi suliniarnermi aqutsisoq, Jens Dahl, timmisartorsuaq teknikikkut ajoquteqarluni isumannaallisaanikkut mittariaqarsimanera ajornartorsiuteqanngitsumik pisimasoq oqaluttarpoq.
- Qatserisartut aalakangersimasut timmisartup minnissaanut piareersimapput. Qujanartumik timmisartorsuaq ajunngitsumik mippoq, Jens Dahl KNR-imut oqarpoq.
Timmisartorsuaq Boing 737-iusoq suli Kangerlussuarmiittoq Canadamiit teknikerit tikissimasut misissuleruttoraat sunalu ajoqutaaneranik suli ilisimatsitsisoqarsimanngitsoq Jens Dahlip oqaatigaa.