Timmisartornerluttartunut pikkorissartitsineq
Sussi Ramussenip nammineq piumassutsiminik suliniuteqarnera timmisartortitseqatigiiffimmit Air Greenlandimit tapersersorneqarluni pikkorissartitsineq ingerlanneqarpoq.
Innutaasut ilaat timmisartornissaminnut annilaangaasarput, tamannalu pissutigalugu pikkorissaritsineq piviusunngorluni.
- Kalaallit Nunaanni angallannikkut periarfissat taamatut ilusilersorneqarnerat eqqarsaatigalugu timmisartukkut angalasariaqarneq pinngitsoorneqarsinnaanngilaq, timmisartumullu ilaanissaminnut annilaangasartunut tulluartuunani, taama ilaatigut Air Greenlandimi tusagassiisartoq, Pia C. Bang, allappoq.
Pikkorissartitsisuupput timmisartumik aquttoq aammalu tarnip pissussaanik immikkut ilisimasalik. Pikkorissarnermi inuppaaluit Nuumminngaannersut peqaapput.
Pikkorissartitsineq naammassippat assingusumik pikkorissartitsisoqassanersoq nalilersorneqassaaq.