Timmisartoq Nunarput qulaatsillugu motooriiartoq
Timmisartoq Los Angelesimit Stockholmiliarpoq, Kalaallit Nunaalli qulaakkamiuk motooriiarpoq, apparsartariaqalerlunilu, isumannaallisaanerlu pillugu Islandimi nunnittariaqalerluni.
Carsten "Soulshock" Schackip emailikkut allalluni BT-mut oqaatigaa timmisartoq radarikkut akunneq ataaseq sinnerlugu takuneqarsinnaasimanngitsoq:
- Timmisartutta motorimi aappaa Kalaallit Nunaat qulaallugulu annaavaa uuliakuulerlunilu. Isumannaallisaanerlu pillugu Islandimi nunnikkatta sakkortuumik nunnippugut, Carsten Schack ilaatigut allappoq.
Taassuma ernini 13-inik ukiulik Nicolai angalaqatigaa. Erninilu eqqissillutik nuannisaqatigiileruttorlutik timmisartoq motooriiartoq taassuma oqaatigaa:
- Motori saamerleq tassanngaannaq unittoq takusinnaavara. Pissutsilli taava ajornerulerput. Uuliakuulerpoq, igalaallu allaat uulianitsiterlutik. Ernumalerpugullu, Carsten Schack BT-mut oqarpoq.
Timmisartorli akunneq ataaseq sinnilaarlugu motooriiaqqareerluni Islandimut ajunngitsumik nunnissinnaasimasoq BT-p allaaseraa.