Minik Dahl Høegh takutitsilluarsimanerpaatut nersornaaserneqarpoqAssi: KNR

Timersullammaat nersornaaserneqartut

'Maligassiuisut show' ippassaq unnukkut TV-kkut toqqaannartumik takutinneqarmat, Nunatsinni timersornerup silarsuaani takutitsilluarsimasut nersorniarneqarput.

 

 

Maligassiuisut Show 03.12.2016

 

Uummannarmiu FC Malamummeersoq, Gert Fleischer, illoqarfimmi timersornerup silarsuaata iluani sulissuteqarluarnini pillugu ukiumi sungiusaasutut nersornaaserneqarpoq.

Piukkunneqartut allat tassaapput B-67-imeersoq Finn Meinel aappaariillu Ilulissaneersut Pia aamma Flemming Nielsen.

Ukiumi aqutsisutut Ittoqqortoormeermiu, Ukaliatsiaq 93-imeersoq, Julius Anike nersornaaserneqarpoq.

Piukkunneqartut allat tassaapput B-67 Badmintonimeersoq Anni Damgaard, peqatigiiffimmiillu Qajaq Nuummeersoq Pavia Tobiassen. 

Arpattartoq Nuummiu Anton Møller Petersen timersullammattut nersornaaserneqarpoq, piukkunneqartullu allat tassaapput arpattartoq Katti Frederiksen sulorartartorlu Frederik Elsner. 

Assammik arsartartoq, Minik Dahl Høegh ukiumi takutitsilluarnerpaatut nersornaaserneqarpoq. Piukkunneqartut allat tassaapput Nunarput sinnerlugu futsalimi nunanut allanut unammisartut aammalu assammik arsarluni nunanut allanut unammisartut.

Sisoraatinik sangusaartarnerup silarsuaani, timersornerullu iluani sulilluarsimanini pillugu 'Hall of Fame'-tut Arne Hardenberg, nersornaaserneqarpoq.  

Kalaallit Nunaanni Timersoqatigiit Kattuffiata Facebookiani nersornaaserneqarnissamut piukkunneqarsimasut kikkuuneri takuneqarsinnaapput.

 

Peqqissutsimut Naalakkersuisoqarfimmiittaaq nersornaasiisoqarpoq.

Sulisut akornanni peqqinnissaq sulissutigilluarsimallugu, Maniitsumi peqqissaavik nersornaaserneqarpoq, Narsamilu meeqqat atuarfianni atuartut ulluinnarni aalanerulernissaat sulissutigineqarsimalluni, tamannalu pillugu atuarfik aamma nersornaaserneqarpoq. 

Nersornaaserneqartut tamarmik checkimik 25.000 koruuninik nalilimmik tunineqarput. 
 

Isummersuutit

Inatsisartuni Nivi Olsen

Inatsisartut Upernaakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!