Timersortartutut tusaamaneqartoq mittarfimmi pisortanngortoq

Tupaarnaq novembarip aallaqqaataat aallarnerfigalugu mittarfimmi pisortamik atorfinitsitsivinnissap tungaanut, pisortaagallartutut imminut taasinnaalissaaq. MIttarfeqarfiit tusagassiutinut taama nalunaaruteqarput.

Mittarfimmi pisortap, Storch Lundip Mittarfeqarfinni atorfini ukiut 40-t atorfigereerlugu qimanniarlugu aalajangermagu atorfik taanna inuttassarsiuunenqartussanngorpoq.

31-nik ukiulik, Tupaarnaq Kreutzmann Kleist Narsarsuarmi mittarfimmi ullummikkut aqutsisuuvoq. Narsarsuup mittarfiani pisortatut atorfimmi akisussaaffiup saniatigut Kujataani, Nanortalimmi, Narsami Qaqortumilu qulimiguullit arlaqartut akisussaaffigilissavai.

Narsarsuup mittarfiani pisortatut atorfik malittarisassat malillugit inuttassarsiuunneqarumaartoq, Mittarfeqarfiit ilisimatitsipput.

Tupaarnaq Kreutzmann Kleist sulinerup avataani Grønlands Elisportimi Grønlands Idrætsforbundimilu atorfeqarsimavoq.

Tamatuma saniatigut timersornermik aamma ingerlataqarsimavoq, ilaatigut kalaallit arnartaanit kisiartaalluni, OL-imut peqataasussatut toqqagaanikuulluni tassanilu Sloveniami sangusaarnermi bronzennappoq.