Timersortartut tusaamasat immiussinerup nalaani ajunaartut
Franskit timersortartut tusaamasat arlallit aliikkusersuilluni isiginnaagassiami ippassaq peqataatillutik ajunaartut qulit ilagaat. Tamanna pivoq qulimiguullit marluk Argentinap avannaata kitaani qulaatilerlutillu aporlutik nakkarmata.
Allattoq Ritzau
marsip 10-at 2015 07:34
Nutserisoq Elisa Isaksen
Tingerlaaserluni sukkaniuteqataasartoq Florence Arthaud, nalunnermi OL-imi kuultinnassimasoq Camille Muffat aamma tilluuttartoq OL-imi unammeqatasartoq Alexis Vastine ajutoornermi ajunaarput, tamannalu pilluni tv-kkut aallakaatitassiaq "Dropped" nunap immikkoortuani La Riojami imminneqaleruttortoq.
Ajutoortoqarneranut patsisaasoq suli paasineqanngilaq.
Timersortartut tusaamasat ajunaarnerat, Frakrigimi præsidentip allaffeqarfianit uppernarsarneqarpoq.
Qulimiguulinni marlunni ilaasut Franskit katillugit arfineq pingasuusut ajutoornermi ajunaarput, Argentinamiullu qulimiguulinnik ingerlatsisut marluk ajunaaqataasut politiinit tusarfiit oqaatigaat.
/ritzau/AFP/
