Assi: Kommuneqarfik Sermersooq

Timersortarfissuup tusaamaneqarluartut soqutiginnilersissinnaagai

Kommuneqarfik Sermersuup timersortarfissuarmik pilersaaruteqarnera illoqarfiit pingaarnersaanni tusarnaartitsinermik aaqqissuisartumit taperserneqarpoq, nunanimi allamiut tusaamasat annerusumik tusarnaartitsiffissaqarnermi Nunatsinnut tusarnaartitsiartornissaminnut soqutiginninnerulissasut aaqqissuisartoq Claus Nissen isumaqarpoq.

Nuuk siunissami tusarnaartitsinermi 10.000-it tikillugit isersimaffigineqarsinnaasumik timersortarfissuartaassappat, tusaamaneqarluartut soqutiginnilersinniarnissaat ajornannginnerulissaaq. Nuummi tusarnaartitsinissanik aaqqissuisuusartut taama isumaqarput, taamaammat timersortarfissualiorniarneq taperserpaat.

- Tamanna periarfissaqartitsillualissaaq, Nuuk TV-p raadioani Nanoq FM-imeersoq, Claus Nissen oqarpoq.

Taakku danskit nipilersortartuat Lukas Graham Nuummi timersortarfimmi Inussivimmi juunip naanerani tusarnaartitsisussanngortippaat.

Tusaamaneqarnerusut soqutiginnilersinnaasut

Claus Nissen naapertorlugu timersortarfissuaq piviusunngortinneqarpat nunarsuarmi tusaamasat suli tusaamaneqarnerusut tusarnaartitsiartornissaminnut soqutiginninnerulissapput.

- Tusarnaartitsiffissami amerlanerusunik inoqartitsisinnaassagutta soqutiginarnerulersinnaanissaa neriuutigaarput. Taamaammat soqutiginartorujussuusoraara, Claus Nissen oqarpoq.

Timersortarfissuaq Kommuneqarfik Sermersuup illoqarfissuarmut pilersaarusiarsuata ilaa illoqarfiup ilaanik nutaamik 5000-inut inissaqartitsiffiusussamik, atuarfinnik paaqqinniffinnillu sanaartornissap ilagaa.

Aningaasalerneqarnissaali suli piareerneqanngilaq.

Nuummiuunnaanngitsunut

Naak Nuummi innuttaasut 17.000-iinnaagaluartut illoqarfiit pingaarnersaata timersortarfissuassaa 10.000-it tungaanut isersimaffigineqarsinnaassaaq. Taamaakkaluartorli anguniagaq qaangerlugu pilersaarusiortoqanngitsoq, Claus Nissen isumaqarpoq.

Aasamummi Lukas Grahamip tusarnaartitsinissaanut isissutissarsisut Nuumminngaanneersuinnaanngitsut taakku nalaappaat.

- Taamaammat isumaqarpunga sineriammiit inunnik soqutiginnilersitsisinnaasassasugut aammattaaq nunani tullerisatsinniit Islandimiit Danmarkiminngaanniillu soqutiginnittoqarsinnaassasoraara, Claus Nissen oqarpoq.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!