Timersoqatigiiffiit pisoqaanerpaat ilaat nalliuttorsiorpoq

Nunatsinni timersoqatigiiffiit pisoqaanerpaat ilaat Kâgssagssuk Maniitsoq 1937-mi aallarnerneqarsimasoq tallimanngornermi marsip pingajuani ukiunik 80-nngortorsiorpoq.

Kâgssagssuk Maniitsumi annermik assammik isikkamillu arsaanneq ukiuni kingulliunerusuni ingerlanneqarput aammalu nunatsinni pissartanngortitsisarlutik.

Arnat assammik arsarnermi malunniuteqarluarnerpaapput, 1980-imiit 1995-imut arfineq marloriarlutik Nunatsinni pissartanngorput.

Inuusuttuaqqat arnat 2000-ikkut ingerlalerneranni arlaleriarlutik aamma pissartaasarput.

Angutit qaffasinnerpaagamik 2003-mi sølvinnapput.

Kâgssagssuk aallartinneraniilli timersuutinik assigiinngitsunik ingerlatsiffiuvoq.

Tassalu isikkamik assammillu arsaannerit saniatigut tilluunneq, paaneq, arpaliunnerit aamma pissingarnerit aaluunneqarluartuusimapput. 

Aamma sisoraatinik timersuutit, soorlu ujakkaarneq, sangusaarneq tinngallattaarnerlu aallutarilluarneqartuupput. 

Timersoqatigiiffik aallartinneqarmat ajoqi Kaaleerannguaq Heilmann siulittaasooqqaarsimavoq.

Isummersuutit

Inatsisartut Upernaakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!