Nanortalimmiut GM-imut peqataaqqilernerminni unamminermi siullermi ajugaapput
Nunatsinni illoqarfiit kujasinnersaaneersut, Nanortalimmiut, nunatsinni isikkamik arsaalluni pissartanngorniunnerit Nuummi ippassaq aallarnerneqarmata GM-imut peqataaqqilernertik kusanarluinnartumik angusaqarfigaat.
Allattoq Sara K. Jakobsen/Simon Uldum
aggustip 08-at 2016 11:42
Timersoqatigiiffiup Siuterup Nanortalimmeersup kingullermik GM-imut peqataaneranit ukiut 16-it qaangiupput, GM-imilu ippassaq sapaatiummat unammeqqaaramik Kagsssassuk Maniitsumeersoq 3-1-mik ajugaaffigaat.
Nuummiut, IT-79, Kulusummiut, TM-62, 11-0-imik ajugaaffigaat, pissartaasullu Nuummiut ,B-67, Qeqertarsuarmiut, G-44, 2-0-imik ajugaaffigalugit.
Uummannarmiut, FC Malamuk, aamma Iluliarmiut, Nagdlunguak, unammimmata, Iluliarmiut Uummannarmiut 2-0-imik ajugaaffigaat.
Nunatsinni isikkamik arsaalluni pissartanngorniunnerit ivigaasaaqqaani siullerpaamik ingerlanneqarput aqagulu marlunngornermi nangeqqinneqassallutik. Unamminerit tamaasa KNR2-kkut aallakaatinneqassapput.
