Tiilerilaami nukappiaqqap ukiukitsup angut aallaallugu toqukkaa
Arfininngornermi juulip aappaani unnuakkut nalunaaquttap pingasup missaani Tasiilap pigisaani Tiilerilaami aallaasersorluni toqutsisoqarpoq.
Allattoq Simon Uldum -
Nukappiaraq 18-it inorlugit ukiulik arfininngornermi juulip aappaani unnuakkut nalunaaquttap pingasup missaani aaqqiagiinngissuteqarnermik pissuteqarsorineqartumik angummut 30-kkunni ukiulimmut aallaariarpoq.
Angut eqqorpaa, taannalu kingorna toquvoq. Politiit tusagassiorfinnut taama nalunaaruteqarput.
Nukappiaraq inatsit tunngaviusoq naapertorlugu arfininngormat kingusinnerusukkut killisiorneqarpoq toqutsisimasutullu unnerluutigineqarluni.
Nukappiaraq tigummigallagaanermut taarsiullugu angerlarsimaffimmut isumannaallisakkamut ulluni 27-ni inissinneqarallartussanngortinneqarpoq.