Thorning Pituffik pillugu isumasiorniarlugu aggersaraat
KØBENHAVN: Inuit Ataqatigiit Folketingimi partiit talerperliusut Enhedslistenilu peqatigalugit, Helle Thorning- Schmidt nunanullu allanut tunngasunut ministeri Martin Lidegaard suliaq pillugu nassuiaateqaqqullugit aggersaanerisa kingorna tamanna pisussanngorpoq.
AAMMA ATUARUK Olsvigip Lidegaardip Naalakkersuisullu Pituffik pillugu akissuteqarnissaat ujartorpaa
IA naapertorlugu, apeqqutit arllit danskit politikeriinit akissuteqarfigineqarnissaat suli amigaatigineqarpoq, Johan Lund Olsen taama oqarpoq:
- Pituffik pillugu isumasioqatigeeqqaarnermi apeqqutit qitiulluinnartut nunanut allanut tunngasunut ministerimit akineqanngitsoorput. Aamma apeqquteqaat aallaavigalugu Folketingimi januaarip 21-ani oqallittoqarmat akissuteqarfigineqanngillat. Taamaammat isumasioqatigeeqqinniassamut aggersaaqqippugut, tamatumuuna ministeriuneqa ilanngullugu, Johan Lund Olsen taama oqarpoq.
AAMMA ATUARUK Venstre Konservativellu IA Pituffik pillugu suliami tapersersorpaat
AAMMA ATUARUK Pituffimmi kiffartuussinermut isumaqatigiissuteqarnissaq Folketingetimi amerlasuunit taperserneqarpoq
Partiit isumasioqatigiinnermut aggersaasut, Danmarkip USA-milu oqartussasut akornanni suut oqaluuserineqarsimanerannik aammalu Pituffimmi kittarsuussinissamik isumaqatigiissutip suliariumannittussarsiuunneqarnera sioqqullugu nunatsinni Naalakkersuisunik oqaloqateqartarnerup qanoq ingerlarsimaneranik akissuteqarfigineqassallutik neriuutigaat.
Isumasioqatigiinnissaq qaqugu pissanersoq piaartumik nalunaarutigineqassaaq.
