Theresa May juunimi qinersisoqarnissaanik suaaruteqartoq
Tuluit Nunaata premierministeria, Theresa May, qinersinissamik suaaruteqarpoq. Tusagassiortunik katersortitsilluni tamanna uppernarsarpaa.
Allattoq Ritzau
apriilip 18-at 2017 08:19
Juunip arfineq-pingajuani qinersisoqassaaq.
Theresa Mayip tusagassiortunik katersortitsinermi oqaatigaa innuttaasunik taasititsinikkut EU-mit aninissamik juunip qaammataani aalajangerneq aalajangiusimaannarneqartoq.
EU-mit aninissap qanoq ingerlanneqarnissaata tuluit inatsisartuini avissaartuussutigineqarnera pissutigalugu qinersinissamik suaaruteqarluni premierministeriup erseqqissaatigaa.
EU-mut isumaqatigiinniarnissamut innuttaasunit piginnaatinneqarnissani premierministerip qulakkeerusuppaa.
