Tele-Post kaaviiaartitakinnerusoq - sinneqartooruteqarnerusorli
Tele-Postip ukiumut kaaviiaartitaat ikinneruleraluartut taamaattoq ukiup affaanut siullermut naatsorsuutini takuneqarsinnaavoq, 78,2 millioner koruuninik suliffeqarfissuaq sinneqartooruteqartoq, siorna taamaalinerani 60,5 millioner koruuninik sinneqartooruteqartoq.
Allattoq Inge S. Rasmussen
Ukioq manna suliniutit annertuut, ilaatigut attaveqaatinik pitsanngortitsinerit, ukiumut siulianut naleqqiullugit aningaasartuutaanerupput, tassa assigiinngitsunik pitsanngorsaanermut 135 millioner koruunik ukioq manna atorneqartut siorna taamaallaat 11 millioner koruunit assigiinngitsunut aningaasartuutaallutik.
AAMMA ATUARUK TELE-POST agguagarsisitsinerusalissasoq
Tele-Postip ukiumup kaaviiaartitaasa ikinnerulernerannut ilaatigut pissutaanerpaavoq, oqarasuaatinut angallattakkanut akileeriaatsip nutaap, Tusass Plusip siorna decembarimi atorneqalernerata kinguneranik.