Tele-Post: Internettikkut namminersortunngorsaanermi akit piareerput

Internettikkut namminersortunngorsaanermi akit piareersut Tele-Post taama nalunaaruteqarpoq. Taamaalilluni attaveqaatitigut suliaqartut allat, Tele-Postip sullissineratut ingerlataqartut, aggustip aallaqqaataanniit atuisuminnut neqerooruteqarsinnaalerlutik.

Allattoq Apollo Jeremiassen

juulip 07-at 2015 13:00

Paasissutissanut internettimilu kiffartuussissutinut namminersortunngorsarneqarsimasunut aningaasartuutaasussat sukumiisumik misissorneqarneri maanna naammassineqartut, Tele-Post paasissutissiivoq. Tamanna tunngavigalugu, nioqqutinut annertuukkuutaarlugit nioqqutigineqartunut aammalu tuneqqinneqarsinnaasutut taagorneqartunut akit, maanna naatsorsorneqarsimalereerlutik.

Aamma atuaruk Tele-Post: Internetti nunani allanitut akeqalersinnaanngilaq

Nioqqutit annertuukkuutaartut aammalu internettimut paasissutissanullu nioqqutinik qanorluunniit isikkulinnik tamanik tunisaqaqqittarnernik, nammisortut maanna taamaalillutik periarfissinneqarput.

Tamanna pillugu, Tele-Postimi pisortaanerugallartoq, Søren Lennert Mortensen ima oqarpoq.

- Nalunaarasuartaateqarnermik niuerfimmut allat isersinnaalernissaannut ikiuunnissatsinnut maanna piareerpugut. Unammilleqatigiilernissaq qilanaaraara nioqqutillu allaanerit suut nioqqutigineqalernissaat pissanngatigalugu, Tele-Postip pisortaanerigallagaa, Søren Lennert Mortensen taama tusagassiuutinut nalunaarummini allappoq.

Aamma atuaruk Nalunaarasuartaateqarnermik Aqutsisut Tele-Post tuavisaaraat

Aamma atuaruk Unammillertip TELE kinguarsaaneraraa