Kulturi

Teknikkut ajutooqqanerup DR-imit aallakaatitat toqqaannartilerai

DR-ip KNR-illu TV-kkut KNR Radiollu attavii akornuteqartuarsinnarput, ajoqutaasunillu aaqqiiniarnermut atatillugu DR-ip kanaaliisa nalunaaqutaat nunatsinnut nalimmassarnagit ulluni marlunni aallakaatinneqartassasut, Tele-Postip tusagassiuutinut nalunaarummi allaaseraa.

Allattoq Jonas Løvschall-Wedel

juulip 25-at 2017 10:38

- Ajornartorsiut taanna aaqqinniarlugu Tele-Postimi ilungersorpugut qularnaarusupparpullu kukkunerit eqqortut aaqqiivigineqarnissaat. Tamatuma kinguneranik maanna DR-ip kanaaliisa nunatsinni nalunaaquttamut nalimmassarneqartarnerat unitsikkallartariaqarparput. Neriuppugut taamaaliornikkut signalit attaveeruttaqattaartarnerat sumik peqquteqarnersoq takusinnaalissallutigu, attaveqaqatigiinnermut pisortaq Arnakkuluk Jo Kleist oqarpoq.

AAMMA ATUARUK KNR-ip pisortaata TELE-p teknikkikkut ajornartorsiuteqarnera ernumagigaa

DR-ip kanaalii nalunaaquttap akunnerinik sisamanik kinguartillugit nalinginnaasumik takutinneqartarput, piffissap nikinganera matumani pissutaalluni.

AAMMA ATUARUK Tele Postip TV-mut radiomullu attaveqaatit aaqqinniarsarigai

Ajoqutaasumilli aaqqiiniarneq pissutigalugu DR-ip kanaalii Danmarkimi ulluni marlunni takutinneqarnermisulli toqqaannartumik aallakaatinneqartassapput.

Marlunngornermi juulip ulluisa 25-anni ullaap tungaani nalunaaqutaq quliniit tamanna aallartissaaq, sisamanngornermilu juulip ulluisa 27-ani ullaap tungaani nalunaaqutaq qulit tungaannut tamanna atuutissalluni.

Teknikkut ajutooqqanerup DR-imit aallakaatitat toqqaannartilerai

Aamma atuaruk