Assi: Esther Zeeb

Tamaat isigalugu: Tassaarsuaqarneranit ilisimasagut

Nunaqarfimmi Nuugaatsiami ippassaq unnukkut tassaarsuaqarneranik politiit nalunaaqutaq 22.15 nalunaarfigineqarput. Tassaarsuup Uummannaq Illorsuarlu aamma eqqorpai. Upernavik Upernaviullu nunaqarfii unnuap ingerlanerani aamma tassaarsuaqarput.

Upalungaarsimasussaatitaasut Nuugaatsiarmiunik Uummannamukaassuillutik qimagussuussipput.

Tusarfiit tutsuiginartut naapertorlugit tassaarsuaqarnerani ajunaartoqarlunilu ikilertoqarpoq, tamannali politiiniit suli uppernarsartissinnaasimanngilarput.

Nittartakkatigut attaveqatigiittarfiit tassaarsuarmik eqqorneqarsimasunit assilisanik takussaasoqarpoq.

Tassaarsuaqarnera sumik peqquteqarnersoq suli qulakkeerneqanngilaq. Taamaakkaluartorli sumiiffinni taakkunani nuna sajussimasoq ilisimatuussutsikkut sullissivik GEUS KNR-imut allappoq, tamannalu tassaarsuaqartitsisuusinnaalluni.

Qulimiguulik annaassiniarnermut atorneqartoq Uummannamiit politiinik, peqqinnissaqarfimmi sulisunik upalungaarsimasuutitanillu ilaasoqarluni Uummannamiit aallartinneqarpoq. Issittumi Sakkutooqarfiup umiarsuit qulimiguullillu aamma piffinnut taakkununngartippai.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!