Ajunaarnersuaqarnera Tassaarsuaqarneranit eqqugaasunut 1,6 mio. koruunit

1.623.358,03 millionit koruunit. Aningaasat taama amerlatigisut katersorneqarsimapput.

- Tuppallernartorujussuuvoq. Innuttaasut ikiuukkusuttut nalunnginnatsigu minnerunngitsumillu eqqugaasunut iluaqutaajumaartut, Kalaallit Røde Korsiata Nuummi immikkoortortaqarfiani siulersuisuni siulittaasoq Malene Lynge oqarpoq.

AAMMA ATUARUK Nunaqarfimmiut aallerusukkaluartut

Nuugaatsiarmiut tassaarsuarmik eqqugaanerannut aningaasanik tapeerusuttoqarluarmat, Grønlandsbanken sukkanerpaamik kontomik ikisiffigineqarsinnaasumik erngertumik sapaammi pilersitsivoq.

- Avannaani ajunaarnersuaqareersorlu Facebookimi quppernitsinni taperseerusukkaluartik allattut imaaginnavissimapput, Grønlandsbankip aqutsisoqarfiani pisortaq Carsten Pedersen oqarpoq.

AAMMA ATUARUK Peqqinnissaqarfik nalinginnaasumik ingerlaqqilersoq

AAMMA ATUARUK Qaqqap sisoornera tassaarsuaqartitsisoq

Aningaasat sumut atorneqassanersut Kalaallit Røde Korsiani maanna pilersaarusiorneqaleruttorput.

- Naalakkersuisoqarfimmiut sinaakkutissat, illussat, aalisarnermut piniarnermullu atortorissaarutit assigisaallu isumagisussaavaat. Uagut aqinnerit, tassa meeqqanut sammisassaqartitsinermut, angalanissamut tapiinerit allanulluunniit aningaasaliisinnaassaagut, Malene Lynge oqarpoq.

Maannamut 8 mio. koruunit sinnerlugit katersorneqarsimasut AG-mi ullumi saqqummertumi allaaserineqarpoq.

AAMMA ATUARUK Tassaarsuaq Uummannap sulluanukaarsinnaanera politiit aarlerisaarutigaat

AAMMA ATUARUK Tassaarsuaqarnerani eqqugaasut pillugit Nuummi katersuinartoqartoq