Tasiorta matuvoq
- Aalajangernermut, aningaasatigut pitsaanngitsumik inissisimaneq pissutigalugu takuneqarsinnaammat Tasiorta siunertani malillugu sullissisinnaajunnaarpoq - tassalu pingaarnertut tarnikkut katsorsaaneq aammalu ikorfartoqatigiinnik ingerlatsineq ajoraluartumik unitsittariaqalerlutik, Tasiortap siulittaasuata tullia Ivalo Møller Lange, Tasiortap siulersuisui sinnerlugit ilaatigut taama allaaserisaqarpoq.
AAMMA ATUARUK Tasiorta matusariaqalersoq
Suliniutit akisussaassuseqartumik piviusorsiortumillu unittariaqarnerannik Tasiortap siulersuisui aalajangertariaqarsimasut nalunaarutigineqarpoq, oqarasuaatillu siunnersuisarfiup 141-p saaffigineqarsinnaanera januaarip qiteqqunnerata tungaanut ingerlasinnaanissaa aningaasaliissutigineqartut iluanni qulakkeerneqarluni.
- Tamatta ajuusaarutigaarput Tasiortap matusariaqalernera, tassa ini katsorsaanermi allaffissornikkullu ingerlatsinermut atorneqartoq piginnittuisa tiguaat, Tasiortallu katsorsaanini unitsippaa. Taamaaliortariaqalerneq imaannaanngitsuuvoq, tamannami inunnut Tasiortap sullitaanut siullertut tuttussaammat, Ivalo Møller Lange oqarpoq.
AAMMA ATUARUK Martha Lund Olsen: Naalakkersuisut Tasiortap matusussanngorneranut pissutaanngillat
Tasiortamut aningaasaliissutigineqartut amerlanerpaartaasa allaffissornermut atorneqartarnerat, Ilaqutariinnermut Naalakkersuisup siorna nalunaarutigimmagu, Tasiortamit tupaallaatigineqarpoq, eqqunngitsorlu aamma oqaatigineqarluni.