Assi: Qaasuisup Kommunia

VIDEO Tamat oqartussaanerat akeqarpoq Qaasuitsulli Kommunia akiliisimanngilaq

Tamat oqartussaanerat akeqarpoq, tamannalu pissutaalluni Qaasuitsup Kommunia avinniarneqarpoq. Tamat oqartussaanerat pingaarnersiuinermi salliunneqarsimanngitsoq Ole Dorph oqarpoq.

Tamat oqartussaanerat aningaasanik akeqartoq Qaasuitsup Kommuniani borgmesterip, Ole Dorphip, Qulaarpaami oqallinnermi naqissuserpaa. Taammaattorli tamat oqartussaanerat nukittorsarniarlugu kommunerujussuaq aningaasaliisimanngilaq. 

Ole Dorphip oqaatigaa innuttaasut kommunip avinnissaanik kissaateqarnerat avaqqunneqarsinnaanngitsoq tamannalu akeqassasoq, tassamigooq tamat oqartussaanerat akeqarmat. Kommunilli siusinnerusukkut innuttaasut qanimut oqartussaaqataanerat piffinni siunnersuisoqatigiinnik pilersitsinikkut qulakkeersimasinnaagaluarpaat.

Kommunip innersuussut malinngikkaa

Kommunerujussuit pilersinneqarmata KANOKUKA-mit innersuutigineqarsimavoq illoqarfinni kommuneqarfiusimasuni siunnersuisoqatigiinnik kommunalbestyrelsinut siunnersuisartussanik pilersitsisoqassasoq, innuttaasummigooq oqartussaaqataanerat taamaaliornikkut nukittunerussammat. 

Innersuussulli tamanna Qaasuitsup Kommuniata malissinnaasimanngilaa. 

 

- Qaasuitsup Kommuniani sumiiffinni siunnersuisoqatigeeqarneq atulersinnikuunngilarput. Tamanna piviusunngortingajannikuugaluarparput aningaasalli allanut pingaarnerusorisatsinnut atortariaqarnikuuagut, Ole Dorph oqarpoq.

Siunissami tamat oqartussaaqataanerat qulakkeerniarlugu kommunit piffinni isumalioqatigiissitanik pilersitsinisamik pisussaaffilerneqassasut, Ole Dorph isumaqarpoq. 

Kommunimi oqartussaaqataaneq nukittunerusoq

Kommuneqarfik Sermersuumi innuttaasut oqartussaaqataanerat qulakkeerniarlugu unammillernarsimavoq, taamaattorli misissuinerit takutippaat kommunimi innuttaasut naammagisimaarinninnerusut. Uanilu Kommuneqarfik Sermersuumi bormesteri Asii Chemnitz Narupip qanoq iliorsimanertik oqaluttuaraa. 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!