KNR TAMASSA Sisimiuniit aallakaatinneqartalerpoq
KNR TV aammalu Sisimiut TV isumaqatigiissusiorsimapput. Taanna malillugu Jonna Lynge aqutsisalissaaq aallakaatitassanillu piareersaasassalluni. Jonna Lynge ukioq manna tusagassiortutut naammassivoq. Tamatuma kingorna Jonna Lynge Qanorooq-mut TAMASSA-mullu ilanngutassiisarpoq.
Taamatut aallakaatitassiornermut Jonna Lynge piukkunnarluinnarpoq. Aallakaatitassat allan-nguuteqarpallaaratik ingerlaannarnissaat isiginnaartartut naatsorsuutigisinnaavaat, kisianni kiinnat tunuliaquttallu nutaat takuneqarsinnaassapput, tassami aallakaatitsinerit kulturip illorsuaniit Taseralimmiit aallakaatinneqartalissapput, aaqqissuisoq Heidi Møller Isaksen taama nalunaarpoq.
KNR TV aammalu Sisimiut TV decembari 2014 tikillugu atuuttussamik isumaqatigiissusiorput. Taamatut isumaqatigiissusiornikkut Nuup avataanissaaq allakaatitassiorsinnaaneq aqqutissiuunniarneqarpoq. Aammalumi allakaatitassiorfiit Nuup avataaniittut taamaasiornikkut tapersersorneqarput.
TAMASSA Sisimiuni immiussaq, KNR 1-mi ataasinngornikkut nalunaaqutaq 19:30 aallakaatinneqartassaaq. Siullermik tamanna pissaaq septembarip aallaqqaataataani nalunaaqutaq 19:30.
Paasissutissat allat ukunani pissarsiarineqarsinnaapput, aaqqissuisoq Heidi Møller Isaksenhem@knr.glimaluunniit Piorsaavimmi pisortaq Niels Pavia Lynge npl@knr.gl, oqarasuaat 36 15 00.