KNR Tallimanngorneq Unnuppaat Man tv-kkut takkuteqqilerpoq
Ilisimaneqareersutut Inatsisartunut qinersinissaq pissutigalugu aallakkaatittagaq Tallimanngorneq Unnuppaat Man maannamut uninngatinneqarpoq, tallimanngorpalli decembarip ulluisa 5-anni nal.19:30 arfineq pingasut qeqqa KNR tv-kut isiginnaarneqaqqissinnaassaaq. 2014-imi aallakaatitassatut sinneruttut pingasuinnanngorput. Isiginnaartartut videoliaasa soorliit ajugaanissaat pissanngatitsivoq, tassami ajugaasut akissarsiassaasa pingaarnersaraat inuit marluusut Islandimut angalanissaat.
Tallimanngornermi decembarip ulluisa 12-anni aallakaatitsinermi Kalaallit Nunaanni Timersoqatigiiffiit Katuffiat aqutsisuussaaq, tassanilu aallakkaatitsinermi timersornikkut siuttuulluartoq, sungiusaasuulluartoq aammalu immikkut ittumik piginnaanilik toqqarneqassapput.
”Ukioq manna naggataarnissarput nuannaarluta pilersaarusiorparput, massakkullu piareersaatit kingulliit ingerlappagut, Tallimanngorneq Unnuppaat Man-imi aaqqissuisuusut taamatut oqaaseqarput.
Tallimanngorneq Unnuppaat Man kingullermeerluni aallakaatinneqassaaq tallimanngornermi decembarip ulluisa 19-anni 2014, nal.19:30 arfineq pingasut qeqqanut.
Annertunerusumik paasisaqarusuttut ukununnga paasiniaasinnaapput TV-mi pisortaq Jan Berg jbe@knr.gl imaluunnit piorsaavimmi pisortaq Niels Pavia Lynge npl@knr.gl oqarasuaat 36 15 00.
