Nakkutilliisut: Taasititsineq tamat oqartussaanerannut naapertuutinngilaq

Nakkutilliisut nunanit tamalaaneersut isumaqarput Tyrkiami taasititsineq tamat oqartussaaqataanerannut naapertuutinngitsoq, præsident Erdogani pissaaneqartupilussuanngortissammagu.

Sapaammi qinersineq naligiimmik ingerlanneqanngitsoq, Europami isumannaallisaaneq pillugu suliniaqatigiiffik, OSCE, aamma Europarådimi ilaasortat Inatsisartuineersut ilaatigut inerniliipput.

- Taasineq Europarådip minnerpaaffigititaanut aataatsimut isigalugu naapertuutinngilaq. Malittarisassat inatsisinik tunngaveqartut taasinerup tamat oqartussaaqataanerannut napertuutinngillat, nakkutilliisut oqarput.

AAMMA ATUARUK Tyrkiami Erdoganip pissaaneqarnerulernissaanut akuersaartut ajugaaqqatartut

- Iluarsaaqqinneq præsidentip pissaaneqarnerulernerujussuanik kinguneqassaaq. Tamakkualu qinersisartunik naammattumik nassuiaatigineqanngillat, nakkutilliisut aamma oqaatigaat.

Qinersineq inatsisit atuukkunnaarsinneqarallaqqanerani pivoq. Tassalu qinersineq politikkikkut inissisimaffimmi, tunngaviusumik pisinnaatitaaffiit, inuit tamat oqartussaaqataaneranni pisinnaatitaaffiini pingaaruteqarluinnartut atuutinngiffianni pivoq.

Tassalu illuatungeriit oqaatiginiakkaminnik qinersisartuminnut apuussisinnaanngillat.

inatsisinik atuukkunnaarsitsigallarneq sakkutuut siorna julimi uppisitseriaraluarnerisa kingorna pivoq.

    /ritzau/