Taaguunneqarnerpaajuneq isernissamut qulakkeerinnissutaanngilaq
Taaguunneqarnerpaajuneq ikaarsaariarnermi ataatsimiititalianut isissutissatut qulakkeerinnissutaasinnaanngitsoq avannaani qinersinerup takutippaa.
Allattoq Louise M. Kleemann
Ilulissat illoqarfianni Kattusseqatigiit Partiaat tunuliaqutaralugu Anthon Frederiksen 540-nik qinersiseqarpoq. Kisianni nunap immikkoortua ataatsimut isigalugu Palle Jerimiassen Siumuminngaanneersoq, 107-nit qinerneqarpoq, tassalu amerlanerussuteqarluni ikaarsaarnermi ataatsimiititaliamut iserluni.
Kommunit 18-t tamarmik maanna qulakkeerpaat kommuunerujussuarnut sisamaasunut isertitaqarnissartik, taamaalilluni paasinarsivoq ikaarsaariarnermi ataatsimiititaliami kikkut isertussanngornerat.