Syriamiut qimaasut Tysklandimit utertinneqartarunnaarput
Taamaalillu qimaasut nunasiniarlutik qinnuteqartut pillugit EU-mi periuserineqartoq Tysklandip atorunnaarsippaa.
- Dublinimik taallugu periuserineqartoq, tassalu syriamiunik qimaasunik nunasiniartunut atuutsinneqartoq Tysklandimi atorunnaarsipparput, nunasiniartunut qimaasunullu Tysklandimi allaffeqarfik taama Twitterikkut allappoq.
Tysklandip taama aalajangernera EU-mit ilassilluarneqarpoq, ”Europamilu ersoqatigiinnermik iliuutsitut” taaneqarluni.
EU-mi malittarisassani malittarisassaq Dublinimik taaguuteqartoq tassaavoq nunasiniartut nunap tikitaata siulliup nunasiniartup qinnuteqaataa suliarissallugu pisussaaffeqarneranik imaqartoq.