Syriamiut inuusuttuaqqat Polar Seafoodip kilisaataataani nassaarineqartut

Syriamiut inuusuttuaqqat angutit marluk Canadamiut kilisaataatani ataasinngormat nassaarineqarput, kilisaat taanna Polar Seafoodimit pigineqarpoq.    

Inuussutuaqqat 17-nik ukiullit kilisaammut ikillutik Canadamut qimaaniarsimapput, kilisaat Nuummiit Canadap imartaata tungaanut arfininngornermi aallarpoq. 
Kilisaat ullut marluk ingerlareersoq Nuummut utertariaqarsimavoq Syriamiut inuuusuttuaqqat politiinut tunniukkiartorlugit. 
Taama oqaluttuarpoq Polar Seafoodip siulersuisuini siulittaasoq Henrik Leth. 

- Syriamiut inuusuttuaqqat pissuserissaarput.  Pitsaasuupput ajornartorsiutiginngilagut.  Siniffissarsivagut nerisillugillu, Hernik Leth oqarpoq. 

Kilisaat ataasinngornermi Nuummut uterpoq taanalu marlunnngornermi ullaakkut suli Nuumiippoq.  Henrik Lethillu neriuutigaa, kilisaat pilersaarutit naapertorlugit aallarumaartoq kilisallunilu. 

Polar Searfoodip kilisaataannut qimaasunik ikisimasunik siornatigut naammattoorsisoqarsimanngilaq.  

Nutartigaq: Kalaallit Nunaanni Politiit uppernarsarpaat angutit inuusuttut marluk kilisaatit ilaanni toqqorlutik ilaasut tigusarineqarsimasut.

Angutit inuusuttut marluk suminngaanneersuunersut, qanoq utoqqaatiginersut qanorlu Nuummut pisimanersut politiit suli misissorpaat.

Politiit inatsisilerituuisa angutit marluk killisiussavaat kingornalu nunani allamiunut inatsit tunngavigalugu unnerluutigineqassanersut nalilerneqassalluni.