Sydkoreami meeravissiartaartitsisarnerni peqquserluttuliortoqartarnersoq misissorneqalerpoq
Sydkoreami meeqqat 200.000-it missaannik amerlatigisut ukiut ingerlanneranni meeravissianngortinneqarput, taakkunannga 9000-it Danmarkimi meeravissianngortinneqarluni
Sydkoreami meeravissianngortitsisarnernik suliaqartut qanoq annertutigisumik peqquserluttuliortigissarnersut misissuisoqarnissaanik Sydkoreami oqartussaasut oqaluttuarisaanermi pingaarutilimmik aalajangerput,
DR tallimanngormat decemberip ulluisa arfineq pingajuani taama allaaserisaqarpoq.
Peter Møller Sydkoreamiut 283-it danmarkimi meeravissianngortinneqarimasut suliniaqatigiiffiani Danihs Right Groupimi siuttuusoq isumaarpoq, meeravissianngitsitisisarnerit aningaasannaniutaasimasut
- Paasininnerput naapertorlugu, Sydkoreami meeravissianngortitsinermik suliaqartut meeqqallu angerlarsimaffii meeraaqqanik USA-mut Europamullu meraavissianngortitsisarnermikkut aningaasanik milliuunik nalilinnik iluanaaruteqartarsimassapput taakkualu Sydkoreamut iluanaarutaasimassasut, Peter Møller DR-mut taama oqarpoq.
Meeravissiartaarusuttorpassuit kissaataat anguniarlugu periuserineqartarsimasut peqqarniitsorujussuusarsimapput.
Assersuutitut taaneqarpoq illoqannginnersani tuniniaavinni meeqqat tigusarineqarlutik aallarunneqartarsimapput meeqqallu angerlarsimaffiinut inissineqarallarneqartarlutik. Angajoqqavisalu aagaangamikkut oqaluttuunneqartarput meerartik toqusimasoq.
Meeravissianngortitsinermik suliaqartartut, meeqat meeraavissianngortinneqarsimasut inunngornerannik uppernarsaatinik allanngortiterillutik iluatsitsisarsimapput