Sverigep WikiLeaksimik pilersitsisumut unnerluussut taamaatikkaa
Taamaalillunilu tigusarinneqqussut aamma taamaatinneqarpoq. Unnerluussisussaatitaasut tusagassiortunik katersitsinermi ullaaq manna taama ilisimatitsipput.
- Stockholmimi eqqartuussisut Julianip paarnaarunneqarnissaanik 2010-mi aalajangeranut atorunnaarsitsinissaq aalajangerpara, Europamilu tigusarinneqqussummik tunuartitsillunga, unnerluussisussaatitaasoq tusagassiortunik katersortitsinermi oqarpoq.
Assange Ecuadorip Londonimi aallartitaqarfiani 2012-imili najugaqarpoq. USA-p Irakimi Afghanistanimilu sorsunneranut tunngasunik allagaatinik hundredetusintinik arlaqartunik WikiLeaksikkut kalerriuteqarsimasutut pasineqarpoq, USA-mullu tunniunneqarnissani ernumassutigalugu.
Stockholmimi unnerluussisussaatitaasut naapertorlugit, Assangep USA-mut tunniunneqarnissaminik ernumassuteqarluni Sverigemi illoqarfiit pingaarnersaannut ornigukkusunnginnera pissutaalluni suliaq sivisunaarpoq.
/ritzau/
