Drottningholm Slot

Sverigemi kunngip ernutaa prins Gabriel nippaallugu kuisippoq

Ukiunik 111-nik pisoqaassusilimmik kuisissuserluni prins Gabriel Drottningsholms Slottskirke-mi nppaallugu kuisippoq.

Prins Gabriel, Sverigemi kunngikkormiut nukarlersaat Stockholhmip avataa-tunginnguani Drottningsholms Slottskirke-mi tallimanngornermi kuisippoq.

Sverigemi statsministeri Stefan Löven najuuttut ilagaat.

Kuisiffissamut imermik immiineq Prinsesse Estelle-p ataqqinaatissamisut aammalu – prinsesse-p qungujulanerujussua malillugu – suliassaraa pissanganarluinnartoq.

Gabriel tassaavoq Carl Philip-ip aamma prinsesse Sofia-p ernerat, taavalu Estelle tassaalluni kronprinsesse Victoria-p aamma prins Daniel-ip paniat. Taakku tamarmik kuisittoornermi najuupput.

Prins Gabriel persuarsiuleruttornermi nippaallugu qiavoq. Taamaattorli anaanami tigummialermani eqqissilluni, svenskit tusagassiisarfii taama allapput.

Kuisissut, prinsiaqqap kuisissutaa, prins Gustaf Adolf-ip siulliulluni kuisissutigaa, 1906-imi assingusumik persuarsiornermi atorlugu.

Tallimanngornermi kuisittoorneq Sverige-mi kunngikkormiut ukiualuit ingerlanerinnaanni arfinilissaa kuisittoorneraat.

Gabriel, Carl-imik aamm Walter-imik atserneqartoq, tassaavoq kunngip Carl Gustaf-ip nuliatalu dronnging Silvia-p erngutaasa arfinilissaat. Kunngikkut oqaluffimmi aamma najuupput.

Kuisittooq taaguuteqarpoq hertug af Dalarna, anaanami nunaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!