Sullualummut malittarisassiorneq isumaqatigineqanngilaq
Umiarsuit Sullualukkut ingerlaartut Canadami pisortanut nalunaaruteqartarnissaanik Canada malittarissasamik atuutsilersitsinnaanngitsoq BIMCO isumaqarpoq.
Umiarsuit Sullualukkoortut juulip aallaqaataa aallarnerfigalugu Canadami sinerissami nakkutilliissunut nalunaaruteqartalissapput.
Sullualuup mingutsinneqarsinnaanera ilaatigut eqqarsaatigalugu nalunaaruteqartalernissaq atuutsinneqalerpoq, taamaaliornikkut aamma Sullualuup taassumalu eqqaata sakkortunerusunik malittarisassaqalernissaa Canadap anguniarpaa.
BIMCO, nunarsuarmi umiarsuit amerlanerit ilaasortaaffigissaata, Sulluallukkut nalunaartussanngortitaaneq pillugu pisortatigoortumik Canadap naalakkersuisuinut naammagittaaliuteqarpoq.
Canadap naalakkersuisui nalunaaruteqartartussaanermik malittarissassiorami attuumassuteqartunut soqutigisaqaqatigiiinnullu tusarniaasimannginneraa BIMCO-mit naammagittaalliuutigineqarpoq.
Sullualuk Canadap ilaattut Canada-mi naalakkersuisuinit naatsorsuutigineqarpoq, taamaattumillu malittarisassanik atuutitsinermik umiarsuillu nalunaaruteqartarnissaannik malittarisassiorsinnaatitaalluni.
Umiarsuit Sullualukkut ingerlaartut Canadamut nalunaartussaatitaanerannik malittarisassiorsimanera nunat allat amerlanngitsut, USA ilanngullugu, isumaqatigaat.
Sikup aakkiartorneratigut Sullualuk aqqutigineqarnerulertussaavoq, taamaattumik nutaanik malittariassiornissaaq pingaaruteqaleraluttuinnartuussaasoq, Canada isumaqarpoq.
