Sullivik Nuuk aningaasassaqartinneqanngilaq!
Nuup kommunalbestyrelsiata suliffissaqartitsiniarnermut immikkoortani Suliffik Nuuk misissuiffigilerpaa. Suliffiup oorinik atuivallaarsimanera millionit qaangerlugit aningaasaliiffiginissamik piumasaqaraluaq kommunalbestyrelsip akueriumanngilaa, taarsiullugulu paasissutissanik perusuppoq.
Suliffik Nuuk kommunep misiliinerivaa suliffissarsiuussisarfimmi namminersortunngorsarneranut suliffissaqanngitsut
suliassaqartinniarlugit. Suliffik septemberip aallaqqaataani Nuup kommuanit nakkutigineqalerpoq tamatuma nalaani paasinarsimmat 2005-imut missangersuutini aningaasatigut atugassani sipporsimagai.
Kommunalbestyrelsimi amerlanerussuteqavissut, tassa Siumut, IA aamma Atassut immikkut aningaasaliiujumanngillat, immikkut aningaasaliissutissatut 1,2 mio. kronet taaneqarsimallutik. Taarsiullugu Suliffik Nuummut aasissutissanik kommunalbestyrelsimi amerlanerussuteqartut piumapput – kommuinalbestyrelilli ataatsimiinneranit imaqarniliornermi oqaatigineqanngilaq paasissutissat suut pineqarnersut.
Demokraatit immikkut aningaasaliinissamut piumassuseqaraluarput aalisartut piniartullu mersortarfinnut amernik tunioraajuarnissaat aamma eqqarsaatigalugu, taamaattorli aamma assut isornartoqartillugu narrujuummissutigalugulu suliffiup aningaasanik atuivallaarsimanera, demokraatillu isumaqarput akisussaasut eqqorneqartariaqartut.
Pisimasut kinguneqartariaqarput, ajunngilarli maanna sukaterineqarmat, Demokraatinit tutsiuppoq.
Pingaartumik Suliffiup Nuup allaffeqarfimmigut kursusertitsivimmigullu aaqqissuussanera aningaasanik atuiffiusimapput. Konto nutaanik pisinissamut atortoq pequtinut nutaanut biilimullu aningaasaliiffigineqarsimanngitsumut ooritaqarsimanngilluinnarpoq, tamatumalu kinunerisinnaavaa ammeriviit ataaseq kisimi pinnani tunisariaqalersinnaanerat. Amernik tunisineq septemberip aallaqqataanili taamaatippoq, maannali aallarteqqissimalluni, borgmester Agnethe Davidsen kommunalbestyrelsip issaq ataatsimiinnerani oqarpoq.
