Sulisut sinniisaat isumakkeerfigitippoq

Dronning Ingridip Naappasimmavissuani sulisut killilersorneqaratik oqaaseqarsinnaatitaanissaannik peqqussut ingasappallaarpoq, napparsimmavimmi sulisut sinniisaat tusagassiutinut nalunaareersorlu mianersoqqussummillu tunineqareersoq, Peqqissutsimut Attaveqarnermullu Naalakkersuisoqarfiup allaffeqarfiani pisortaagallartoq, Julie Wilche Præst, aviisimut Sermitsiamut oqarpoq.

Tassalu sulisut sinniisaannut mianersoqqussut maanna atorunnaarsinneqartoq, Julie Wilche Præstip oqaatigalugu.

Mianersoqqussut atorunnaarsinneqarpoq, napparsimmavimmi immikkoortortqarfiup A1-ip tungaaniit suliaq pillugu sullarluttoqarsimanera, Inatsisartut Ombudsmandianit, Vera Lethimit isornartorsiorneqareersorlu.

- Sulisut sinniisaata oqaaseqarnermini nipagersimasussaatitaanissani unioqqutissimanngilaa, ombudsmandip pisoq pillugu naliliinermini allappoq.

Sulisut sinnisaata miannersoqqussummik tunineqarnerata nalaani, Peqqissutsimut Attaveqarnermullu Naalakkersuisoqarfiup allaffeqarfiani pisortaagallartoq, Julie Wilche Præst tamassumunnga attuumassuteqarsimannani, aviisimut Sermitsiamut oqaatigaa taamaattoq aamma oqaatigalugu, ombudsmandip aalajangiinerani tunngavilersuut eqqarsalersitsisoq.

- Pisortat suliffeqarfiini sulisut killeqanngitsumik oqaaseqarsinnaatitaanerat siammasissupilussuusoq, ombudsmandip oqariartuutigaa. Tassalu tamanna suliffeqarfittut mianerisassarput, Peqqissutsimut Attaveqarnermullu Naalakkersuisoqarfiup allaffeqarfiani pisortaagallartoq, Julie Wilche Præst aviisimut Sermitsiamut oqarpoq.