PITUFFIK Sulisut atugaat ajornerulissanngitsut
- Suliariumannittussarsiuussinermut ajugaaginnavilluta sulisut peqatigiiffii tamaasa attaveqarfigaagut, ataatsimeeqatigalutigit, isumaqatigiissutigisinnaasagullu misissuataariarlutigit isumaqatigiissuteqarfigaagut, Exelisip oqaaseqartartua Kim Ruberg oqarpoq.
Aamma atuaruk Greenland Contractors Pituffimmi sullissiunnaassaaq
Greenland Contractorsimilu sulisut atugaat siunissami ajornerulissasoralugit nalornissuteqarnissaq tunngavissaqanngitsoq, taanna isumaqarpoq.
- Pituffimmi sulisut tamangajaasa oqaloqatigereerpakka paasitillugit Pituffimmi ingerlatsinissatsinnut periarfissinneqarnerput nuannaarutigigipput, maanilu suliaat naammassisaat nuannaarutigigivut. Suliat naammassisartakkatik ingerlatiinnassagaat kissaatigaarput piumasaqaatigineqareersullu allannguuteqassanngillat.
Aamma atuaruk Pituffimmi GC-mi sulisut soraarsitaanissartik ernummatigissanngilaat
Suliassat allamut nuunneqarsinnaaneri ernummatigineqartoq
BAT Kartellip, tassa sanaartornermik sulisut kattuffiisa suleqatigiiffiat, Exelisimut isumaqatigiissusiornertik aamma uppernarsarpaat.
Sulisunilli sipaarniarluni Pituffimmi suliassat kiffartuussinissamut isumaqatigiissummut piginnittumit allamut nuunneqarsinnaaneri, taakku ernummatigineruaat.
Aamma atuaruk Pituffik pillugu suliaq aalajangiiffigineqartoq
Taamaattoqarnavianngitsorli, Kim Ruberg naqissusiivoq.
- Pituffimmi suliaqarnerput viceværtit suliaannut sanilliunneqarsinnaapput, taamaammat takorlooruminaatsippara Pituffimmi suliagut allani sooq suliarineqarsinnaanersut aamma sooq taamaaliortoqassanersoq.
Aamma atuaruk Pituffimmi kiffartuussinissamik isumaqatigiissutip annaaneqarnera
Suleqatigiinnissarlu qularnanngitsoq, taanna nangippoq.
- Taakkua nalornillutik tujormereersimaqaat. Sulinissartik qulakkeerusuppaat naammassisassallu aallullugit, Exelisip oqaaseqartartua Kim Ruberg oqarpoq.
