Assi: Qaasuitsup Kommunia

Qaasuitsup: Sulisut 22-t nuunneqassapput

Qaasuitsup Kommuniata avinneqarnissaa qallivoq, sulisullu 22-t Kommune Qeqertalimmut nuussinnaanissamik neqeroorfigineqareersut, kommunip paasissutissiissutigaa.

Qaasuitsup Kommuniani sulisut kommunini sorlermi sulilerumaarnissartik pillugu sulisitsisuminnit maanna paasissutissinneqaleruttorput. 

Avannaata Kommunia 63-inik sulisoqassaaq Kommune Qeqertalillu 43-nik sulisoqassalluni.

Sulisut Qaasuitsup Kommunianeersut 22-t Kommune Qeqertalimmut, tassa Aasiannut nuussinnaanissamik neqeroorfigineqareersut, Qaasuitsup Kommuniani pisortaaneq Hans Eriksen KNR-imut paasissutissiivoq.

Qaasuitsup Kommunia ukiortaamiit avinneqarpat, Avannaata Kommunia Ilulissani allaffeqassaaq Kommune Qeqertalillu Aasianni allaffeqassalluni.

Sulisut ullaaq manna qulingiluanut qiteqquttoq ataatsimeeqatigineqarput. 

Sulisulli sorliit Ilulissanut Aasiannulluunniit nuunneqalernersut pillugit paasissutissat KNR-imit suli pissarsiarinngilagut.

Sulisut pineqartut sulisitsisuminnit aatsaat nalunaarfigineqareerpata, kommuni agguataarineq pillugu sukumiinerusumik avammut paasissutissiissasoq, Hans Eriksen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!