NEQEROORTITSINEQ Kommuninik nakkutilliisoqarfimmit kommunit misissorneqalersut
Kommunit taakkua namminersortuunerannut inatsisaannik kommunimullu pisinnaatitsissummik malinninnersut Kommuninik nakkutilliisoqarfiup nakkutigisussaavai.
Ilaatigut innuttaasut aningaasaataat pitsaanerpaamik atornersut nakkutigisussaallugu. Sulisitsisullu kommunit taamaaliorsimannginnerarpai.
Sulisitsisut Kommuninik nakkutilliisoqarfimmut allagaqarluni isumaqatigiissutit, kommunit taakku marluk allanut neqeroortitseqqaarnatik isumaqatigiissutigisimasaat, inatsisinut naapertuunersut misissoqquai, Sulisitsisut Kommuninik nakkutilliisoqarfimmut allapput.
Aamma atuaruk Qaasuitsup: 50 millionit koruuninut pisiniarsinnaanermut neqeroortitsisoqanngilaq
KNR-ip sammeriigaatut Arctic Importimuinnaq isumaqatigiissusiornerit eqqartorneqarput.
Taamannallu allanik neqeroortitseqqaarnani ataasiinnarmut isumaqatigiissusiornerit kingunerlussinnaasut, Sulisitsisut nalunaarput.
- Isumaqatigiissutimmi taama annertutigisut neqeroortitseqqaarnani isumaqatigiissutigigaanni nalunartarpoq allanik neqeroortitsisimagaluaraanni akikinnernik isumaqatigiissusiortoqarsinnaanersoq, Sulisitsisut Kommuninik nakkutilliisoqarfimmut allakkamini allappoq.
Aamma atuaruk Sermersooq neqeroortitsilertorpoq
Suliffeqarfiup ataasiinnaap aperineratigut ajornartorsiuteqarsinnaasoq Sulisitsisut isumaqarput.
Suliffeqarfiummi isumaqatigiissuteqarfigineqartup allanit immikkut pitsaanermik pineqarneranik pasinnittoqarsinnaammat.
Taamaattumik kommunit pisiniarnissamut akileraartartut aningaasaataannik atuisussaagaangata kommunit pisussaaffii Sulisitsisut erseqqissisikkusukkai, Kommuninik nakkutilliisoqarfimmut allakkami atuarneqarsinnaavoq.
Aamma atuaruk Sermersooq kommuninik nakkutilliisoqarfimmut GE-p suliassanngortinniaraa
Aamma atuaruk Paaqqinniffiit pisiniartarfissaannut neqeroortitsisoqanngilaq