Politikki Inuussutissarsiutit

Suliffissaaleqineq qaammatini siullerni qulingiluani qaffasinnerusoq

Qaammatit kingulliit pingasut ukiup siulianut naleqqiutissagaanni suliffissaaleqisut ikilerialaarsimapput, ukiormannali nalinginnaasumik isigalugu innuttaasut ikileriarsimapput suliffissaaleqisullu amerleriarsimallutik.

Allattoq Jonas Løvschall-Wedel

oktobarip 30-at 2014 12:03

Suliffissaaleqineq annikillisimanngilaq. Radioaviisimi ippassaq unnukkut taama saqqummiussaqarpugut. Naalaartartulli ilaasa maluginiarsimassajunnarsivaat taamatut saqqummiussaqarnermi kukkuneqartoq, oqaatigaarpummi 2014-imi suliffissaleqineq 2013-imut naleqqiullugu 2014-imi maannamut qaammatit tamaasa qaffasinnerusimasoq, septembarip qaammataa eqqaassanngikkaanni.

Aamma atuaruk Vittup suliffissaaleqineq annikillisinngilaa

Eqqortorli tassaavoq suliffissaaleqisut amerlassusaat 2013-imut naleqqiukkaanni juulimi 22-nik ikileriarsimammata aggustimilu 181-inik ikileriarsimallutik.

Suliffissaaleqineq ukiormanna qaffasinneruvoq

Ataatsimut isigalugu 2014-imi pissutsit pitsaavallaarsimanngillat. Ukiormannami qaammatini siullerni qulingiluani suliffissaaqisut amerlassusaat, Naatsorsueqqissaartarfik illoqarfinni nunaqarfinnilu suliffissaaleqisunik 2010-mi nalunaarsuisalermalli aatsaat taama qaffasitsigipput.

Ukiormanna qaammatini siullerni qulingiluani suliffissaaleqisut agguaqatigiissitsinikkut 3782-iusimapput. Siornamut naleqqiullugit 120-nik amerlanerullutik.

Innuttaasut ikileriarsimapput

Tassa imaappoq ukioq manna suliffissaaleqisut ukiup siulianut naleqqiullugit amerlanerupput, naak innuttaasut ikinnerulersimagaluartut.

Innuttaasummi ikiliartoqqilersimapput. Innuttaasut ukiuni