Suliffeqarfik aatsitassarsiortunik sullissisussaq pilersinneqartoq
Taama nalunaartut tassaapput Martin Sandy Shalmi aamma Greenland Venture A/S. Taakku ataatsimoorullugu Nuummi ujaqqanik aserorterivittaarniarput.
Aserorterivittaami aggustip aallartinnerani piareertussami ujaqqat ujaranngornikullu suulluunniit suliarineqarsinnaassapput.
Martin Sandy Shalmip upperaa pilersaarut piffissami torrallataasumi pilersinneqartoq.
- Ujaqqanik aserorteraluni misissuivittaarnissamut piffissatsialaavoq, niuerfik illuanut saalersoq, taanna oqarpoq.
Aserorterivittaassap Geolab Greenlandimik ateqartussap sullitassani siulleq pissarsiarereerpaa. GeoLab Greenlandimmi North American Nickel isumaqatigiissuteqarfigisimavaa piffissami matumani misileraallutik qillerineranni pissarsiaannik misissuisarnissamut.
AAMMA ATUARUK Greenland Venture piginneqataassutsinik milionilinnik pisisoq
AAMMA ATUARUK Halibut Greenland Greenland Venturelu suleqatigiikkunnaarput
