VIDEO Suliat Aleqa Hammondimut tunngasut takukkit

Aleqa Hammond siornatigut pisortanit aningaananik atornikuuvoq.
aggustip 24-at 2016 12:28

1996-imi Aleqa Hammond arfineq marloriarluni Akiliummik atornerluisimanini nassuuerutigereernikuullugu 2013-imi qineqqusaarnermi innuttaasunut ilisimatitsissutiginngilaa. Taamani 5.100 koruuninik Hotel Godthåb-imi korti matuneqareersoq sippuilluni ataasiarani tigusisarsimavoq. Kingorna Aleqa Hammond pisoq tusagassiutitigut utoqqatsissutigaa.

2008-imi Aleqa Hammond Aningaasaqarnermut nunanullu allanut tunngasunut Naalakkersuisuunermi nalaani, aalakoorluni akiligassaq akilernagu taxaniit qimaasimammat, Nuummi Politiinut unnerluunneqarpoq.

2013-imi Aleqa Hammond Naalakkersuisut siulittaasunngutsiareerluni pisortat aningaasaataanik atortarsimasoq kukkunersiuinermut ataatsimiititaliap paasivaa. Aleqa Hammond 204.000 koruuninik Namminersorlutik Oqartussat aningaasaataanik atuisimavoq. Kukkunersiuisullu arlaleriarlutik akileeqqusisareersut, Aleqa Hammondip 2014-imi aningaasat Nunatta karsianut utertippai. Nunatta karsianit tigusisimanerup kingorna, Aleqa Hammond ukiup aappaa avillugu Naalakkersuisunut siulittaasooreerluni tunuarpoq, kinguninngualu nutaamik inatsisartunut qinersisoqarluni.

Aleqa Hammondip Folketingimi ilaasortaanerminut atatillugu kreditkorterisani atorlugu 13.000 koruunit nalinginut imminut pisiortorsimasivoq, e-mailimi Ekstra Bladep sapaatiummat aggustip ulluisa 21-anni saqqummiussaani tamanna atuarneqarsinnaavoq.

Aamma atuaruk Aleqap Nunatta karsia atornerlukkaa

Aamma atuaruk Siumut: Taamaammat Aleqa anisipparput

Aamma atuaruk  Politikkikkut naliliisartoq: Aleqap Nunatta tusaamaneqarnera innarlerpaa