NUUMMIT NUUNNEQ Suleqatigiissitami nussuinissaq sammineqassaaq
Namminersorlutik Oqartussat ingerlatseqatigiiffii Nuup avataanut nuutsinneqarnissaannut periarfissanik misissuisusamik suleqatigiissitamik pilersitsinissaq Naalakkersuinikkut Ataqatigiissaarisoqatigiit, KANUKOKA-p siulittaasuanit, borgmesterit sisamanit Naalakkersuisuniillu ilaasortaaffigineqartut, pingasunngornermi ataatsimiinneranni aalajangerneqarpoq.
Aamma atuaruk Suliffinnik nuutsitsinissat qanoq akeqassanersut suli missingersorneqanngillat
Suleqatigiissitaliaq pilersinneqartussanngortoq kommuniniit pingasunit, KANUKOKA-miit, Naalakkersuisut siulittaasuata naalakkersuisoqarfianit kiisalu aningaasaqarnermut naalakkersuisoqarfimmi atorfilittanit inuttalersugaassaaq.
Qaasuitsup Kommuniani, Qeqqata Kommuniani Kommune Kujallermilu borgmesterit oqallisaarutaat "Naligiimmik Siunissaqarneq" februarimi saqqummiunneqartoq suleqatigiissitamik pilersitsinissamik aalajangernermut tunngaviuvoq.
Aamma atuaruk Borgmesterit: Atorfiit Nuummit nussornerisigut Nunarput naligiinnerulersinneqassaaq
Suliffiit 600-t Nuumminngaanniit illoqarfinnut allanut nuunneqarnissaat borgmesterit oqallissaarumminni siunnersuutigaat, akileraartarnermut aqutsisoqarfik Visit Greenlandilu Qaqortumut, Asiaq Sisimiunut, Nunatsinni Nakorsaaneq Uummannamut Nukissiorfiillu Paamiunut nuunneqarnissaat ilaatigut siunnersuutigalugu.
Aamma atuaruk Kattuffiit qularinnittut
Naalakkersuisut suliassanik Namminersorlutik Oqartussanit kommuninut nussuinissaq ukkatarerusunnerummassuk, oqallissaarummut siornatigut akuersaarpallaanngikkaluarput.
Aamma atuaruk Suliffiit 600-t nuunneqarnissaannik siunnersuut
Suleqatigiissitamilli tassa pilersitsisoqarpoq sulinissamullu tunngavissialiortoqarluni.
Aamma atuaruk GE: Suliffiit nuunneqarnissaat ineriartortitsiviussanngilaq