Sukkulinnik nerivallaaqaagut

oktobarip 04-at 2004 07:45

Sukkorneq pillugu oqaluuseqassallutik peqqinnissaqarfimmi sulisut 80-it missingi ulluni makkunani Nuummi katersuusimapput, tassani sukkorneq tassungalu atassuteqarsinnaasoq aammik qullartoorpallaartarneq oqaluuserineqarlutik.

 Peqqissaasoq Birta Biano tamanna pillugu oqarpoq, sukkorneq, pualavallaarneq, aamillu qullartoortarneq atugaaleraluttuinnartoq, tamannalu qanoq iliuuseqarfigineqartariaqartoq.

 Inuit sukkulinnik nerisaqarpallaarput, sodavanditorpallaarlutillu, aaamalu orsoqarpallaanik nerisaqartoqarluni. Tamanna peqqinnanngilaq timigissartoqarnerusariaqarporlu, Birta Bianco oqarpoq.

 Inuit naatsitanik nerisaqarnerusariaqarput, ullormut naatsitat 600 grammit nerineqartarnissaat innersuussutgigineqartarluni, taamaaliornikkut nappaatit pineqartut ingalassimaneqassammata, Birtha Bianco siunnersuivoq.

 Ilanngullugu oqaatigaa Tipsikujunnik kalaallit nerisaqarpallaartut maluginiarneqartartoq, aammalu orsulinnik nerisaqarpallaarlutik.