Suiaqatinoortut ilisaritillugit

Assinik saqqummersitsineq, Gay Greenland, arfininngorpat ammarneqarpat, inuit 61-it kiinaat, 1 x 1 meterisut angissusillit, takuneqarsinnaassapput, taakkulu 2011-mi 2012-imilu Gay Pride-qarnerani assilisaapput.
Allattoq Elisa Isaksen
januaarip 23-at 2013 06:19

Assiliisartoq, Jørgen Chemnitz, aamma NAPA-mi pisortaq, Leise Johnsen, suleqatigiillutik Gay Greenland piviusunngortippaat.

Kikkulluunniit, arnap angutillu inooqatigiinnerattut inooriaaseqanngitsut, assilisinnissaminnik taamani neqeroorfigineqarput, arlaannillu atoqatigiittarnermut tunngasumik oqaaseqartinneqarlutik.

Inuit 61-it assilisinnermikkut oqariartuutiminnik nunarsuup sinneranut siammartitsisinnaanngortitsipput.

- Gay Greenland suiaqatiminnik atoqateqartartut Kalaallit Nunaanni aamma inooqataannerannik uppernarsaataavoq, nunarsuarmi siulliusoq. Kalaallit Nunaata oqaluttuarisaanerani ikinnerussuteqartut, siornatigut nipangersimaannarlutillu ersinngitsut, kiinaat oqariartuutaallu saqqumilaarsinnaanngorput, Leise Johnsen oqarpoq.

Gay Greenland Katuami arfininngornermi januaarip ulluisa 26-anni takuteqqaarneqassaaq, assillu mikininngorlugit Tasiilami Sullissivimmi peqatigitillugu saqqummersinneqassallutik.

Nunani Avannarlerni aamma Kalaallit Nunaata sineriaani
assit 61-it Katuami Nunani Avannarlerni saqqummersitassanngorlugit marsip ulluisa sisamaanni ingerlaartinneqalissapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq