Professori nunatsinneersoq atorfimmini qaffattoq
Iliniagartuut akornanni nersornaatissat piumaneqarnerpaat ilaat, professorimit nunatsinni inunngortumit Karla Jessen Williamsonimit pissarsiarineqarpoq, nittartagaq Sermitsiaq.AG taama allaaserisaqarpoq.
Allattoq Jonas Fievé
marsip 03-at 2017 06:47
Nutserisoq Simon Uldum -
Taannami atorfimmini qaffappoq "tenured professor”-itullu imminut taasinnaanngorluni. Taamaalilluni soraarninngornissami tungaanut Saskatchewanimi ilisimatusarfimmi professoritut atorfini pigiinnarsinnaanngorpaa.
Karla Jessen Williamson Nunatsinni peroriartorpoq, Danmarkimi ilinniartuunngorniarluni kingornalu Skotlandimi antropologiimik ilinniarluni.
Saskatchewan Universitymi professoritut ullumikkut atorfeqarpoq, piorsarsimassutsimut inuiaqatigiinnullu tunngasunik ilinniartitsisuulluni. Karla Jessen Williamsonip sulinermini naggueqatigiit Inuit inuiaqatigiinni pisinnaatitaaffii pingaartillugit suliaqarsimasoq, Sermitsiaq.AG allappoq.
