Steen Lynge: Saarullittassanik qaffaaneq siunissami ajornartorsiutinik annertunernik pilersitsiinnassaaq
Pinngortitaleriffimmit siunnersuutigineqarpoq saarullit ukioq manna pisarineqarsinnaasut, 12.000 tonsit sinnissanngikkaat.
Taamaakkaluartorli Naalakkersuisunit maanna siunnersuutigineqarpoq, saarulliit ukioq manna pisarineqarsinnaasut 25.000 tonsiussasut. Taama siunnersuuteqarnerminni Nunatsinni suliffissaqartitsiniarneq tunngavigineqarluni.
AAMMA ATUARUK Suliffissaqartitsineq nungusaataanngitsumik aalisartarnermiit Krusep pingaarnerutippaa
- Saarulleqassuseq eqqarsaatigalugu aamma qaffaanissaamut tunngavigineqartut eqqarsaatigalugit taama annertutigisumik qaffaaniarnerit mianersuaalliornerussaaq aannertooq, Steen Lynge tusagassiuutinut nalunaarummini allappoq.
- Saarullitassanik qaffaanermi suliffissaqartitsiniarneq annertunerulernavianngilaq siunissaq ungasinnerusoq eqqarsaatigalugu qaffaaneq ajornartorsiutinik annertunernik pilersitsiinnassaaq, Steen Lynge allappoq.
Tassuma siunnersuutigaa, nunamut tulaassisinnaatitaaneq annertusiinnartariaqartoq taamaalilluni aalisakkerivinni aalisakkat suliarineqarsinnaasut amerlanerulissammata.