Steen Lynge (A)

51-inik ukiulik aappassaa folketingimut qinigassanngortippoq. Naalakkersuinikkut sulinermi misilittagartooq Inatsisartunilu ilaasortaq Steen Lynge Folketingimut 2011-mi qinersisoqarmat qineqqusaarpoq, iluatsitsiunngitsumilli. Aleqa Hammondip naalakkersuisut siulittaasuunerata nalaani Steen Lynge peqqissutsimut attaveqaqatigiinnermullu naalakkersuuvoq. Maanna Inatsisartuni sinniisut aappaattut inissisimavoq. Politikkip saniatigut taanna aamma nipilersornerup silarsuaani tusaamaneqarpoq. Nuliaqarpoq tallimanillu qitornaqarluni. Politiitut ilinniarsimasuuvoq. Atassutip erseqqissarnikuuaa Lars Løkke Rasmussen partiialu Venstre tapersersorniarlugu.
Allattoq Malu Pedersen
juunip 05-at 2015 16:26

Politikkikkut suliniutiginiakkat:

  • Naalagaaffeqatigiinerup pitsaasumik ineriartortinnissaa
  • Folketing-imi ataatsimiititalianut  pingaaruteqartunut nunatsinneersut ilaasortaasarnissaat
  • Kalaallit danskillu nunatsinni aningaasaleeqatigiittarnissaat siuarsassallugu
  • Kal. Nunaata DK-llu akornanni nuunnissamut akimmiffiit assigiinngissutillu peerneqarnissaat

Steen Lyngep facebookikkut  aamma Twitterikkut nittartagaa takuuk.