Startup Greenland Nuummi saqqummiisoq
Inuit suliffeqarfinni aallartitserusullutik isumassarsisimasut arlallit saqqummiussipput. Taamaattorli suli amerlanerit aallartitserusussinnaasut saqqummiussaqarnissaat, suliniuteqartunit erseqqissaatigineqarpoq.
- Nunatsinni uumasuusivissuarmik pilersitsinissamik siunnersuut, umiarsuarmik neriniartarfimmik pilersitsinissamik eqqarsaatersuut, nittartagaq arnanut tunngasoq saaffigineqarsinnaasorlu, imeq atorlugu nukissiuut allarpassuillu soqutiginarluinnartut peqataasut ilaannit saqqummiunneqarput, saqqummersitsinermik aaqqissuisunit, Greenland Business suleqatigalugu aaqqissuisunit Hans Peter Poulsen tusagassiuutinut nalunaarummini allappoq.
AAMMA ATUARUK Qeqqussanik panersitsisartoq akissarsitinneqartoq
Sisimiuni suliffeqarfinnik aallartitserusuttut saqqummiineranni, qanittukkut pisumi, isumassarsiamik pitsaalluinnartumik pilersitserusuttoq, tassalu qeqqussat panertillugit tunisassiarilernissaanik aallarneerusuttoq, Ulrik Lyberth akissarsitinneqarpoq. Taassuma qeqqussat panertitai pilerigineqarlutik qinnuteqartoqereerpoq. Ulrik Lyberthip suliffeqarfeeqqani Maki Seaweedimik ateqartippaa.