ASSIT Spejderit Danmarkimeersut Narsaq tikeraaraat

Narsaq illoqarfittut ikinngutigisamini Gladsaxemi spejderinit Gladsaxe KFUM Søborgimeersunit tikeraarneqaqqammerpoq.
Allattoq Simon Uldum -
juulip 29-at 2015 06:34

Spejderit angalaqatigiit 29-upput, taakkulu A21-mi pisortatigoortumik tikilluaqquneqarput suliffissarsiussiissarfimmi siunnersorti Suka K. Frederiksen kommuni sinnerlugu tikilluaqqusisuulluni.

Spejderit namminneq kissaateqarnerat malillugu Kommune Kujalleq, Narsaq aamma Kuannersuarni aatsitassarsiornissamik suliniut pillugu oqaluttuunneqarput. Tamatuma kingorna Gladsaxemi inersimasunut austismemik nappaateqartunut angerlarsimaffimmi illersukkami "SOVI"-mi najugallit suliaannik skålimik kusanartumik tunissuteqartoqarpoq.

 

Tunissutisisoqarpoq

Tikeraarneq juulip 27-ani naggataarnersiorneqarpoq, tamannalu Narsami kommunip allaffiani pivoq. Spejderit Kommune Kujallermit tunissutissarsipput borgmesterillu Jørgen Wæver Johansenip inuulluaqqussutaa apuunneqarluni. Tunissutigineqartoq tassaavoq  ikumatittagaq kommunip ilisarnaataanik ilisarnaatilik.

Suka K. Frederiksen Gladsaxemit ”nasartaammik” spejderit ilisarnaataannik ilisarnaateqartumik tunineqarpoq, oqaasertalerlugu qilerneqarsimasoq ”ikinngutigiit qilernerannik”, Kommune Kujalleq tusagassiorfinnut nalunaaruteqarluni taama allappoq.