REYKJAVIK Sakkutuut immikkut sungiusakkat ujarleqataalilersut
Islandimi politiit arnamik 20-nik ukiulimmik maqaasineqartumik ujarlernertik annertusivaat. Arnaq kingullermilli sapaatiummat unnuakkut periarfeerunneqarpoq.
Allattoq Helle Nørrelund Sørensen
januaarip 20-at 2017 13:18
Nutserisoq Erna Lynge
Aqagu arfininngornermi sakkutuut immikkut sungiusakkat ujarleqataalissapput. Ujarlerfik Reykjavikip avataani annertunerujussuarmi ingerlanneqalissaaq. Reykjavikimi politiit KNR-imut taama nalunaarput.
Nakkutiginninnermi atortutigut takuneqarsinnaavoq arnaq maqaasineqartoq arfininngornerup unnuaani Reykjavikimi illoqarfiup qeqqatigoortoq. Nakkutiginninnermi assilisatigut arnaq kalaallit kilisaataataanni Polar Nanormi inuttanut atassuserneqarpoq.
AAMMA ATUARUK Qulimiguulik kalaallit kilisaataataannukartinneqarpoq
Inuttat marluk maannamut arnamut maqaasineqartumut attuumasumik sapaatit akunnerini marlunni tigummigallagassanngortinneqarsimapput.
AAMMA ATUARUK Polar Nanumi inuttat marluk politiinit tigusarineqarput
