Sorsunnermi pinerluutuliorsimasoq eqqartuunneqarnermini toqunartutorluni toqusoq
Slobodan Praljak eqqartuussinerup nalaani toqunartutoreerluni toquvoq. Eqqartuussinermi aalajangiinerup atualeruttornerani tamanna pivoq.
Sorsunnermi pinerluuteqarsimasoq Slobodan Praljak, qiterleq, toquvoq. Asseq toqqorsivimmit
Allattoq Ritzau
novembarip 29-at 2017 11:53
Nutserisoq Frederik Labansen
Jugoslaviaasimasoq pillugu sorsunnermi pinerluttuliorsimasut pillugit nunat tamalaat Haagimi eqqartuussivianni (ICTY) toqunartumik imigaqarnermi kingorna sorsunnermi pinerluttuliorsimasoq Slobodan Praljak toquvoq. Tamanna kroatiamiut naalagaaffiata tv-qarfiutaata pingasunngornermi nalunaarutigaa.
Eqqartuussivimmi eqqartuussisup eqqartuussinermi aalajangiineq atualeruttoraa, sakkutuunut generaliusimasoq puiaasaarannguaq kajortoq imerfigivaa.
Tamanna Naalagaaffiit Peqatigiit eqqartuussiviata videonik immiussisarfiata uppernarsarpaa.
Pisumit nalunaaquttap akunnerata kingorna eqqartuussivimmi sulisup nalunaarutigaa, Praljak suli uumasoq katsorsarneqartorlu.
/ritzau/AP
