ASSIT Slopestylemi Big Airimilu pissartanngorniunneq

Arfininngormat snowboardertartut freestyle-ski-rtartullu slopestylemi pissartanngorniuttoqarpoq, sapaatiummallu big airimi pissartanngorniullutik.

Slopestylemi sisuutigaluni assigiinngitsunik trick-iliortarput tinngallarujussuarnermillu naggasaerneqartarluni. Tinngallannermi tunumut ulinnerit trickillu aalarpassuillu atorneqartarput. Big airimi tinngallarujussuarnermi trickiliullaqqinneqqusaattarput.

Pissartanngorniunnerni peqataasut ilagaat meeqqat arfineq-pingasut qulillu akornanni ukiullik. Taakku meeqqat sappitsut takutitsillualaavipput. Meeqqani Vittus Olsen, arfineq-pingasunik ukiulik Nuummeersoq, aamma Max Madsen, qulingiluanik ukiulik, Sisimiuneersoq, takutitsilluaramik  immikkut maluginiarneqarput.

Vittus Olsen slopestylimi 34,5 pointinnalluni guultinnappoq, Max Madsenilu 30 pointinnalluni sølvinnalluni. Big airimi Vittus Olsen bronzinnappoq, Sisimiormiorlu. Max Madsen, 53 pointinnalluni guultinnalluni.

Unammeqataasut isiginnaariallumi Max Madseni tinngallalluni backflipersimanera (tunumut ulilluni) assut oqaluuseraat tinngallaleraangallu illersortarlugu. Taanna nukappiaraq piginnaanilissuuvoq, qularnanngitsumik siunissami suli pikkorinnerulersussaq. Tassami taanna nukappiaraq inersimasulluunniit ilaasa sapigaannik trickiliortarpoq.
11-nit 13-inut ukiulinni Henrik Lund, 13-inik ukiulik, slopestylemi big airimilu guultinnappoq. Inuk Brøns Appeltilu taakkunani sølvinnalluni.

Inernerit asserpassuillu Snowball-ip facebookiani takuneqarsinnaapput.