Partiit naalakkersuisuutitaqartut: Siusinnerusukkut isumaqatiginninniartoqartarli
Isumaqatigissuteqarnermi nunatta karsia ukiumut 123,3 millionit koruuninik suliffeqarfinnut isumaqatigiissuteqarfigineqartunut akiliuteqatassaaq, taakkua Namminersorlutik Oqartussat sinnerlugit innuttaasut angalasinnaanissaannik kiffartuuttassaavaat.
Kiffartussinissamut isumaqatigiissutinut aningaasat atugassat anigaasanut inatsimmi 2017-imut atuutumi 121,4 millionit koruunit immikkoortinneqarput.
Aamma atuaruk Angallassinermut kiffartuussinissamut isumaqatigiissutit inissinneqartut
Aamma atuaruk VIDEO Tunumi innuttaasut angalanissamut periarfissaqarnerulissasut
Naalakkersuisut Inatsisartut Aningaasaqarnermut Akileraartarnermullu ataatsimiititaliamit akuerineqarlutik aningaasanik amerlanerusunik pissarsipput, taakkua Disko Linemut ilaanermi meeqqanut utoqqalinersiaqartunullu akikinnerusumik angalasoqarsinnaalissammat.
Tamannalu partiit naalakkersuisuutitaqartut nuannaaruutigaat.
- Taamaalillunilu qulakkeerneqarpoq angallassinermi akiusut annertuumik qaffaavigineqarpallaaratik inissimmata, sullissinikkut annertuumik appariartuutaanngitsumik aammalu angallassinikkut ataqatigiissumik aaqqissuisoqarsinnaanngormat, partiit naalakkersuisuutitaqartut tusagassiuutinut nalunaaruteqarlutik allapput.
Kujataani angallassineq ajornerulissasoq
Taamaakkaluartoq nunatta avannaani kujataanilu ilaasunik angallassinerup ajornerulernissaa partiit naalakkersuisuutitaqartunit ernumanartoqartinneqarpoq,
Uagut isumaqarpugut silaannakkut immakkullu angallassineq pillugu sullissinermi Kujallermi Avannaanilu isumaqatigiissutit ersariffaarissumik sullissineq ajorneruleqqunagu qulakkeerisoqartariaqartoq. Tamanna iluatsinniarsinnaavoq suliffeqarfiit sullissinissamik neqeroortut akunnerminni, attaveqaqatigiinneq pitsaasoq atorpassuk.
- Ilaasut soorunami kinguaattoortarnerit akisussaaffiginngilaat, tamatumanilu ilaasut qaqugumulluunniit pisinnaatitaaffitik ilisimasariaqarpaat, ilaasullu sullinneqarnerat suna tamaat qulakkeerlugu aaqqissuunneqartariqarpoq, partiit naalakkersuisuutitaqartut allapput.
Isumaqatigiissusiornissaq sioqqullugu piareersalereernissaq ujartoraat
Partiit naalakkersuisunut kaammattuutigaat, sullissinermut isumaqatigiissutissanik suliat aallartiaartassasut sivikinnerpaaamik ukiup aappaata qeqqa imaluunniit ukiunik marlunnik sioqqutilluni.
Anigaasaqarnermut ataatsimiititaliaq aamma kiffartuussinissamik soqutigisaqartut kiffarfuussinissamik isumaqatigiissutit qanoq ittuunissaamik piffissaqarluarlutik oqaluuserisinnaaniassamaatigit.
- Immikkut ittumik pingaartipparput allannguinissamik piffissaliisoqartariaqartoq, suleriaatsinik nutaanik piumasaqaatinillu nutaanik pilersitsisoqassammat, aammalu Inatsisartut Naalakkersuisullu akunnerminni oqaloqatigiinnissaminnut periarfissaqartariaqarmata
